2025 жылғы 27 шілдеде Ұлттық шұғыл медицинаны үйлестіру орталығының Жүрек ырғағы орталығында 1970 жылы туған пациентке Micra маркалы электродсыз кардиостимулятор сәтті имплантацияланды.

Пациенттің диагнозы:
▪️ АВ-блокада I дәрежесі (PQ — 260 мс)
▪️ Өткінші АВ-блокада II дәрежесі (Мобитц I–II)
▪️ 2024 жылы жасалған кардионейроабляциядан кейінгі жағдай
▪️ Пресинкопальді күйлер

Micra — жүрек қуысына тікелей орнатылатын, сымдарды қажет етпейтін шағын электродсыз кардиостимулятор. Мұндай құрылғы өткізгіштік жүйесі бұзылған науқастар үшін ерекше тиімді болып саналады.

Процедура асқынусыз, сәтті өтті. Пациент қанағаттанарлық жағдайда үйіне шығарылды.

Қазіргі медицина болашаққа қадам жасап, бүгіннен-ақ науқастардың өмір сапасын жақсартып жатыр.