2026 жылғы 16 ақпанда Ұлттық шұғыл медицинаны үйлестіру орталығында балаларға арналған травматологиялық пункт өз жұмысын бастады. Осы уақыт аралығында түрлі жарақаттар, аурулар, буын шығуы және сынықтар бойынша 6 740 бала медициналық көмекке жүгінді. Оның ішінде 4 042 (59,9%) — ұл балалар, 2 698 (40,1%) — қыз балалар.
Мамандар балаларға дер кезінде медициналық көмек көрсетіп, ата-аналарды балалар жарақатының алдын алу шараларын сақтауға, үйде, көшеде және спортпен айналысу кезінде қауіпсіздік ережелерін ұстануға шақырады.